Bohat Aasaan Tha Uski Mohabbat Ko Dua Karna By Nainan Farzana

Ghazal

Bohat Aasan Tha Uski Mohabbat Ko Dua Karna..

Bohat Mushkil Hai Banday ko Magar Apna Khuda Karna...

******

Kahan Tak Khenchna Deewaar Par Saada Lakeeron Ko...

Tumhari Yaad Mein Kab Tak Unhein Bethe Ginaa Karna...

******

Na Jaane Kis Liye Seekha Tareeqa Ye Hawao'n Ne...

Mere Kamre Mein Sannaatay Zabardasti Bhraa Karna...

******

Lahu Ki Trah Rag Rag Mein Jo Peham Dard Behtaa Hai...

Zamee'n Ki Teh Mein Le Jaaye, To Kya Iska Gila Karna...

******

Mohabbat Karne Waalon Ki Kahani Bas Yahi To Hai...

Kabhi Nainaan Mein Bhar Jaana,Kabhi Dil Mein Rchaa Karna...

******

Haqeeqi Daastaanon Ka FASSAna Bhi Koi Likh De...

Mohabbat Karne Waalon K Liye NAINAN Dua Karna...

******

Poet: Farzana Nainan......

Posted By:

Naveed Ahmed Fassana